Hola Ratiños e Ratiñas.
Veño moi emocionada para contarvos unha novidade marabillosa: por fin chegou o mes de novembro e... inauguramos o club de lectura!
O noso primeiro encontro foi una auténtica festa dos libros.Coñecemos xuntos o proxecto e falamos de todo o que nos agarda este curso. e o mellor de todo: cada un de vós recibiu o seu Pasaporte Lector! É un documento moi especial, como se fose un pasaporte de verdade, onde iredes gardando un selo cada ez que veñades a unha reunión do club e cada vez que fagades a actividade que vos propoña.
Estou moi orgullosa de ver tantos ratiños con ganas de ler e descubrir novas historias. Isto non fixo máis que comezar...
